NFIF søkjer arrangørar til neste års Norgescup i motbakkeløp. Cupen vert lagt inn i eksisterande arrangement i motbakke.

Norgescupen i 2017 vil som i år bestå av fem løp, der NM inngår som eit av løpa.
Som tidlegare år blir løp i Norgescupen før uttaksfrist brukt som hovudgrunnlag for uttak til internasjonale meisterskap sesongen 2017.

Alle medlemslag tilslutta Norges Friidrettsforbund kan søkja og søknadsfrist er sett til 15. januar 2017.

Dei norske motbakkeløparane leverte veldig sterke prestasjonar i årets VM, og vi reknar med desse og mange fleire toppløparar står på startstreken også i Motbakkecup 2017.