Knut Lunde fekk heider for arbeidet han har lagt ned gjennom mange år. Her saman med verdsmeister Karsten Warholm. Foto: Eva Marie Felde
Knut vart heidra - igjen
Knut Lunde vart takka for det enorme arbeidet han har lagt ned for friidretten gjennom ei årrekkje.
21. august 2018
Asgeir ÅrdalKnut Lunde var i 2018 stemneleiar for sitt fjerde hovudmeisterskap. I tillegg har han vore stemneleiar for fleire andre meisterskap, som junior-NM, UM og Veteranmeisterskap - i tillegg til fleire lokale stemner.
Under NM på Byrkjelo fekk han tildelt ei symbolsk gåve, ettersom han alt har fått dei heidersteikn han kan få innanfor friidretten. Seinast i 2016 vart han tildelt Friidrettens Venners pris som årets dommar.
Friidrettskrinsen vil nytte høvet til å takke Knut Lunde for arbeidet han har gjort for friidretten i fylket gjennom mange år!