Fleire nye friidrettsanlegg i fylket i 2015

I mai opna Vik sitt nye fullverdige anlegg med kunsstoffdekke. Anlegget er med 6 rundbaner og her er også installert flott og tidsmessig kastbur. Friidrettsgruppa i Vik er alt i full gang med å auke aktiviteten og har gjennomført dommarkurs, aktivitetsleiarkurs, utdanna ny startar og har to som er i gang med Trenar 1 utdanning. 

Oppgradering i Måløy
Måløy Stadion har siste året biltt oppgradert med kunstoffdekke. Anlegget har 4 rundbaner og lengde og kulesektor. I tillegg blir det opparbeidd kastfelt like ved då det er lagt kunstgras på indre bane. Anlegget vil gje friidretten i denne delen av fylket nye mulegheiter og lette tilrettelegging av aktiviteten. 

Nytt delanlegg i Mogrenda
I Eid kommune er det teke i bruk nytt delanlegg med kunsstoffdekke i Mogrenda. Anlegget inneheld også kunstgras for fotball og er ein god tilvekst for meir friidrettsaktivitet for idrettslaget Heia som held til i Mogrenda.  

Anleggsbefaring til våren
Norges Friidrettsforbund sitt anleggsutval reiser årleg rundt i kretsar og ser over anlegga saman med anleggseigar og krets. Til våren er Sogn og Fjordane på nytt tilgodesett med anleggsbefaringar. Alle anlegg med kunsstoffdekke vil bli besøkt og ein ser på status på funksjonalitet og vedlikehald. Konklusjonane frå kvart anlegg vert samla i ein rapport samtidig som tildelte stadionsertifikat vert vurderte. Mange av anlegga i fylket er relativt nye eller nyrehabiliterte men slik sertifiesering er uansett eit krav med jamne mellomrom.