Olav Hansen er død

Så seint som torsdag var han på plass i Ulsteinhallen der han ettersåg utstyret, for å tilrettelegge for aktivitetane. Slik han har gjort utallige gongar sidan han var med å starte Dimna IL i 1974 - for 50 år sidan.

Olav kjem eigentleg frå Ås, vertskommunen  for Norges Landbrukshøgskole, ( noverande Norges miljø- og biovitenskaplige universitet)•

Ein formidabel innsats for friidretten i Dimna IL har for lengst gitt han legende-status og han har èin god del av æra for at laget i mange år har vore eit kraftsentrum for friidrett i Møre og Romsdal.

Han møtte som utsending for Dimna IL på kretstinget for 49 år sidan og kom fort med i kretsstyret. Gjennom åra hadde han ei rekke oppgåver på kretsnivå før han etter tusenårsskiftet vart kretsleiar i samanslegne Møre og Romsdal friidrettskrets til saman sju år - fordelt på to bolkar.

Olav Hansen vart i 2015 tildelt friidrettsforbundets fortjenestemedalje - Det er vår høgaste anerkjenning for administrativ innsats og den går til èin bauta i Møre og Romsdal, der han mellom mykje anna har vore kretsleiar, sa dåverande forbundspresident Svein Arne Hansen under medaljeutdelinga.

Under jubileumsfesten for Dimna IL tidleg i november vart Olav Hansen saman med Arve Hatløy utnemnd til lagets første æresmedlemmer.

Olav Sindre Rise, Kretsleiar Møre og Romsdal Friidrettskrets