Dimna IL og Friidrettskretsen tilset Arve Hatløy som trenar på heltid

PRESSEMELDING FRÅ DIMNA IL OG MØRE OG ROMSDAL FRIIDRETTSKRETS

Arve Hatløy engasjert i nasjonalt trenarnettverk. Dimna IL og Friidrettskretsen tilset Hatløy som trenar på heiltid.

Norges Friidrettsforbund har lansert satsinga «Profesjonalisering av treneren», der Dimna IL sin hovudtrenar, Arve Hatløy, er ein av fem trenarar som blir engasjert. Friidrettsforbundet skriv dette på sine heimesider:

Fem trenere engasjert til trenerprosjektet

Norges Friidrettsforbund har engasjert fem trenere til det profesjonelle trenernettverket i NFIF, som er et toårig prosjekt for å styrke satsingen på profesjonelle trenere.

Deltidsstillingene ble utlyst på slutten av fjoråret; i utgangspunktet med fire stillinger som siden ble utvidet til fem.
Prosjektet er i utgangspunktet et toårig prosjekt, med evaluering etter det første året.

- Alle er trenere i sine klubber, men alle vil også gjennomføre tiltak i kretsen i form av fellestreninger og samlinger. Alle har utøvere som er i ungdomsalder, og noen har også seniorer. Men de fleste er juniorer og noen har utøvere helt ned til 13 år, sier rekrutteringsansvarlig i NFIF, Mari Bjone, som har det sentrale ansvaret i NFIF for å følge opp prosjektet. 

De fem som nå er engasjert er:

• Bjørn Johansen, Ranheim IL.
• Arve Hatløy, Dimna IL.
• Jonathan Byrkjenes, IL Norna-Salhus.
• Ganna Demydova, Sandnes IL.
• Ida Marcussen, IK Våg.

Møre og Romsdal Friidrettskrets og Dimna IL står bak søknaden til Arve Hatløy. Dei har fått med seg kretsen og klubben sin hovudsponsor Sparebanken Møre på laget, noko som gjer at Arve Hatløy no er engasjert som trenar på heiltid.

«Med utgangspunkt i dette prosjektet, kunne vi gå til andre samarbeidspartar og sy saman eit fulltids engasjement for Arve Hatløy», seier styreleiar i Dimna IL, Kjersti Kleven. Den siste brikka i puslespelet er det Ulstein vidaregåande skule som står for, der Arve Hatløy frå dette skuleåret har fått eit mindre engasjement på idrettslinja. «Vi er glade for at vi fekk til kombinasjonen med klubb, krets og idrettslinje», seier Kleven. «På denne måten styrkar vi det sterke friidrettsmiljøet rundt Ulsteinhallen. Dimna IL kan no utvikle klubben vidare sportsleg, samtidig som vi er med å utvikle heile friidrettsmiljøet i regionen», seier ho.

«Møre og Romsdal Friidrettskrets har stor tru på at trenarprosjektet skal bidra til å auke trenarkompetansen i kretsen og samtidig tilby gode treningssamlingar for utøvarar i heile fylket», seier kretsstyreleiar Per Dagfinn Fagerli. I forbindelse med prosjektstillinga har kretsen etablert eit Trenarforum, der Arve Hatløy deltek. Trenarforumet er eit tilbod til klubbtrenarane i kretsen for erfaringsutveksling og kompetanseheving.

Hovudsponsoren er også glad for å vere med på prosjektet: «Vi er stolte av det Dimna IL og kretsen har fått til, og trur dette kan vere med på å løfte friidretten i fylket enda eit hakk», seier banksjef Ellen Kvalsund.

For meir info, ta kontakt med

Dimna IL:
Styreleiar Kjersti Kleven, mobil: 918 47 092, e-post: kjersti@jkleven.no

Møre og Romsdal Friidrettskrets:
Kretsstyreleiar Per Dagfinn Fagerli, mobil: 902 02 534, e-post: per.dagfinn.fagerli@hamsto.no
Kretssekretær Bente Krakeli, mobil: 957 33 661, e-post: mrfriidrett@friidrett.no

Arve Hatløy, mobil: 414 76 148, e-post: hatloy@hotmail.com