Løpet er ei kupert rundløype på 8,7 km, og er ei teknisk krevande løype i flott natur. Løpet har det meste med korte, bratte bakkar og lange slake bakkar oppover og nedover,samt flater på litt varierande underlag, nett slik eit terrengløp skal vera.
- Vi ynskte ikkje nokon deltarrekord i år ,då det er sett eit tak på 200 deltakarar på arrangement, difor er me svært nøgde med 130 deltakarar derav 56 på tid, seierBjørghild Holien, leiar i friidrettsgruppa i Lærdal IL.
Totalvinnar vart Lars-Martin Melheim, frå Olden IL ( startnummer 34) på tida 33:13 minutt. Det var fyrste gongen han deltok, men neppe den siste.
Nr 2 med startnummer 2 var Espen Kristiansen, Entra BIL på tida 33:26 minutt. Tredje best var Sigurd Hulbak, Hemsedal IL på 35:37
Marita Hestetun, IL Jotun ( startnummer 16), vann dameklassa på 40:42 minutt, ho forbetra tida si frå 2018 då ho vann på 44:08 minutt.
Gro Zahl og Astrid Olafsdottir begge HIS kom på dei neste plassane i dameklassa.
Friidrettskrinsen set pris på arbeidet som blir lagt ned i samband med Galdane Rundt, og ynskjer dei lukke til med framtidige arranement!